Ўзбекистоннинг икки ойдаги ташқи савдо айланмаси 8,7 миллиард долларга тенг бўлди. Бу ҳақда Давлат статистика қўмитаси матбуот хизмати хабар берди.
Маълумотларига кўра, 2022 йилнинг январь-февраль ойларида Ўзбекистоннинг ташқи савдо айланмаси 8,7 миллиард долларни ташкил қилган. Жумладан, экспорт ҳажми 4,1 миллиард бўлиб, шундан:
- маҳсулотлар — 3,7 миллиард доллар;
- хизматлар — 348,5 миллион доллар.
Шунингдек, импорт ҳажми 4,6 миллиард долларни ташкил этган, шундан:
- маҳсулотлар — 4,3 миллиард доллар;
- хизматлар — 304,6 миллион доллар.
Аввалроқ Ўзбекистоннинг МДҲ давлатлари билан савдо айланмаси январь ойи қанчага етгани хабар қилинганди. Шунингдек, Ўзбекистоннинг 2021 йилги ташқи савдо айланмаси таркиби ҳақида хабар берилди.
