Dunyo boʻyicha bugʻdoy narxlari tez surʼatlarda pasayib bormoqda. Bu haqda “SovEkon” tahliliy markazi monitoring natijalariga tayanib “Interfaks” xabar berdi.
Maʼlum qilinishicha, 31 yanvar kuni Chikago fond birjasida bugʻdoy kotirovkalari 3,2 foizga qulagan, bu 2021 yilning dekabr oyidan beri eng kuchli kunlik pasayishdir. Qora dengiz bugʻdoyi (oqsil 12,5 foiz) uchun birja kotirovkalari oyning eng yuqori koʻrsatkichlari bilan solishtirganda 5 foizga tushib, bir tonna uchun 315 dollarni tashkil etgan.
Mutaxassislarning fikricha, bunga asosiy sabab savdogarlarning Rossiya va Gʻarb oʻrtasidagi Ukraina bilan yaqin vaqtgacha jahon gʻalla bozorini qizdirib kelgan mojaroning tinch yoʻl bilan hal qilinishiga ishonishidir. Mumkin boʻlgan harbiy mojaro Qora dengizdan yetkazib berishda uzilishlarga olib kelishi mumkinligi haqidagi xavotirlar diplomatik taraqqiyot fonida kamaymoqda, deyiladi hisobotda.
Qayd etilishicha, “SovEkon” joriy qishloq xoʻjaligi yili (2021 yil iyul–2022 yil iyun) uchun Rossiya bugʻdoy eksporti boʻyicha yangi prognozini taqdim etgan. Dekabr-fevral oylarida yuqori eksport koʻrsatkichlari sharoitida u 0,2 million tonnaga koʻtarilib, 34,3 million tonnaga yetgan.
Mutaxassislar, shuningdek, Rossiyada bugʻdoyning oʻrtacha narxi 225 rublga koʻtarilib, 3-navli bugʻdoyning bir tonnasi uchun 15 ming 200 rubl va 4-navli bugʻdoyning bir tonnasi uchun 15 ming 175 rublgacha (QQSsiz Rossiyaning EXW Evropa qismi). Kotirovkalar soʻnggi haftalarda rublning keskin zaiflashishi va portlarda xarid narxlarining oshishi bilan qoʻllab-quvvatlangan.
“Oʻtgan haftalarda rublning zaiflashishi va jahon bozorining mustahkamlanishini asosan bugʻdoyning ichki narxlari qaytarib oldi. Keyingi oʻsish salohiyati cheklangan koʻrinadi va bozorning choʻkishi xavfi ortib bormoqda”, deyiladi hisobotda.
Avvalroq Dunyo boʻylab oziq-ovqat narxlari 2022 yilda ham oshishda davom etishi xabar qilingandi.
