Xitoy Markaziy banki 2020 yil aprelidan beri birinchi marta asosiy foiz stavkasini pasaytirdi. Bu haqda Bloomberg nashri xabar berdi.
Qaror Xitoy Davlat statistika qoʻmitasi maʼlumotlarini eʼlon qilish bilan deyarli bir vaqtda eʼlon qilindi. Bundan kelib chiqadiki, soʻnggi chorakda iqtisodiy oʻsish avvalgi uch oyga nisbatan sekinlashgan. Koronavirusning omikron shtammi tufayli kasalliklarning yangi avj olishlari fonida iqtisodiyot jadal surʼatni yoʻqotmoqda.
Xitoy Xalq banki tomonidan pasaytirilgan foiz stavkasi bozor kutganidan oshib ketdi: bir yillik oʻrta muddatli kreditlash stavkasi 2,95 foizdan 2,85 foizga, yetti kunlik qayta sotib olish stavkasi (yetti kunlik repo) esa 2,2 foizdan 2,1 foizga tushirildi. Asosiy stavkaning 10 ta bazaviy punktga tushirilishi Xitoy yalpi ichki mahsuloti haqidagi maʼlumotlar eʼlon qilinishidan biroz oldin eʼlon qilindi.
Maʼlumotlar shuni koʻrsatdiki, soʻnggi chorakda YAIM 4 foizga oʻsdi, bu iqtisodchilarning 3,3 foizlik prognozidan yuqori, lekin oʻtgan chorakdagidan kamroq.
“Oʻsishni koʻchmas mulk sektori va, albatta, Xitoy davom ettirmoqchi boʻlgan nol kovid siyosati ushlab turishda davom etadi. Chakana savdo koʻrsatkichlari isteʼmolchilar uchun nol kovid siyosati hali ham amalda ekanligini koʻrsatishda davom etmoqda va biz sanoat sohasida tiklanishni koʻrmayapmiz.”, — deydi Oksford universitetining Osiyo boʻyicha yetakchi iqtisodchisi Sian Fenner.
Uning hisob-kitoblariga koʻra, dekabr oyida koʻchmas mulkka investitsiyalar oʻtgan yilga nisbatan 13,9 foizga kamaydi. Xitoy Davlat statistika qoʻmitasi bayonotida aytilishicha, ichki iqtisodiyot uch tomonlama bosim ostida: talabning qisqarishi, taklif zarbasi va kutishlarning zaiflashishi.
