Oʻzbekistonda 2022 yil ayrim toifadagi oʻqituvchilarning maoshini oshirish rejalashtirilmoqda. Bu haqda Yangi Oʻzbekistonning 2022–2026 yillarga moʻljallangan taraqqiyot strategiyasi toʻgʻrisidagi Prezident farmoni loyihasida soʻz boradi.
Qayd etilishicha, 2022 yilda iqtidorli oʻqituvchi va shifokorlarning ish haqlarini malaka toifasiga qarab tabaqalashtirilgan holda quyidagi miqdorlarda qoʻshimcha oshiriladi:
- oliy toifali oʻqituvchilar uchun — kamida 15 foizga;
- birinchi toifali oʻqituvchilar hamda oliy va birinchi toifadagi shifokorlar uchun — kamida 10 foizga;
- ikkinchi toifali oʻqituvchi va shifokorlar uchun — kamida 5 foizga.
Shuningdek, loyihada qituvchilar oylik maoshlarini bosqichma-bosqich 1 000 AQSH dollari ekvivalentiga yetkazish maqsad qilingan.
Iqtidorli oʻqituvchilarning ish haqlarini malaka toifasiga qarab tabaqalashtirilgan holda oshirib boriladi. Oʻqituvchilarga malaka toifalarini berish tartibini tubdan qayta koʻrib chiqish hamda malakani baholash metodikasi asosida adolatli va shaffof tizim joriy etiladi.
