Oʻzbekistonning 11 oydagi tashqi savdo aylanmasi 37,9 milliard dollarni tashkil etdi. Bu haqda Davlat statistika qoʻmitasi matbuot xizmati xabar berdi.
Maʼlumotlarga koʻra, 2021 yilning yanvar-noyabr oylarida eksport hajmi 15,5 milliard dollarga yetgan. Tashqi eksport tarkibida yuqori ulushga ega boʻlgan asosiy turlar quyidagilardan iborat:
- sanoat mahsulotlari — 4 milliard dollar;
- xizmatlar — 2,3 milliard dollar;
- oziq-ovqat mahsulotlari va tirik hayvonlar — 1,2 milliard dollar;
- kimyoviy mahsulotlar — 1 milliard dollar;
- mineral yoqilgʻilar va moylash mahsulotlari — 821 million dollar;
- turli tayyor mahsulotlar — 708 million dollar;
- mashina va asbob-uskunalar — 617 million dollar;
- nooziq-ovqat mahsulotlari — 475 million dollar.
Bundan tashqari, import 22,4 milliard dollarni tashkil etgan. Shundan:
- mashina va transport asbob-uskunalari — 7,4 milliard dollar;
- sanoat mahsulotlari — 4,2 milliard dollar;
- kimyoviy mahsulotlar — 3,3 milliard dollar;
- oziq-ovqat mahsulotlari — 2,2 milliard dollar;
- xizmatlar — 1,5 milliard dollar;
- turli tayyor mahsulotlar — 1,2 milliard dollar;
- mineral yoqilgʻilar va moylash mahsulotlari –1,1 milliard dollar;
- nooziq-ovqat mahsulotlari – 1,1 milliard dollar.
Avvalroq Oʻzbekistonning tashqi savdo aylanmasi qanchaga yetgani xabar qilingandi. Shuningdek, Oʻzbekistonning Janubiy Koreya bilan 10 oydagi savdo hajmi maʼlum qilingani haqida xabar berildi.
