Oʻzbekistonda 11 oyda 689 ta elektromobil import qilingan, import hajmi 7 baravardan oshgan. Bu haqda Davlat statistika qoʻmitasi matbuot xizmati xabar berdi.
Maʼlumotlarga koʻra, 2021 yilning yanvar-noyabr oylarida Oʻzbekistonga 11 ta xorijiy davlatdan qiymati 13,8 million dollarga teng boʻlgan 689 ta elektromobil import qilingan. Shuningdek, elektromobil importi 2021 yilning mos davri bilan solishtirilganda 592 taga yoki qariyb 7 baravardan ortiqqa oshgan.
Qayd etilishicha, 2021 yilning 11 oyida Oʻzbekiston asosan quyidagi davlatlardan elektromobillarni import qilgan:
1. Xitoy — 608 ta;
2. Turkiya — 24 ta;
3. AQSH — 20 ta;
4. Litva — 13 ta;
5. Germaniya — 11 ta;
6. Koreya — 5 ta;
7. Ispaniya — 2 ta;
8. Rossiya — 2 ta;
9. Ukraina — 2 ta;
10. Hongkong — 1 ta;
11. BAA — 1 ta.
Avvalroq Oʻzbekistonda noyabr oyida qancha elektromobil import qilingani haqida xabar berilgandi.
