Yaponiya Ukrainaga qilingan harbiy hujum tufayli sanksiyalar doirasida Rossiyadan neft importini bosqichma-bosqich to\u02bbxtatadi, deya ma\u02bclum qildi Yaponiya bosh vaziri Fumio Kisida G7 sammitida.<\/p>\n
\n\u201cBiz importni aholi hayoti va biznesiga salbiy ta\u02bcsirlarni minimallashtiradigan tarzda bosqichma-bosqich to\u02bbxtatish choralarini ko\u02bbramiz\u201d, \u2014 dedi<\/a> u.<\/p>\n<\/blockquote>\n
Kishidaning ta\u02bckidlashicha<\/a>, bu \u201cqiyin\u201d qaror, chunki Yaponiya uchun energiya importi ahamiyatli, ammo \u201chozirgi paytda G7 birligi [Rossiya neft embargosi \u200b\u200bbo\u02bbyicha] juda muhim\u201d.<\/p>\n
Shu bilan birga, bosh vazirning aytishicha, Tokio \u201cSaxalin-1\u201d va \u201cSaxalin-2\u201d neft-gaz loyihalaridagi ulushlarini saqlab qoladi.<\/p>\n
Nikkei nashrining yozishicha, Yaponiya mamlakat energiya iste\u02bcmolining qariyb 90 foizini xorijdan import qiladi, Rossiya esa mamlakatga suyultirilgan gaz yetkazib berish bo\u02bbyicha beshinchi o\u02bbrinda turadi.<\/p>\n
\u201cSaxalin-1\u201dda Yaponiya Iqtisodiyot, savdo va sanoat vazirligi, Itochu va Itochu savdo kompaniyalari, neft qazib oluvchi Japan Petroleum Exploration Company (Japex) va boshqalar ishtirok etmoqda.<\/p>\n
\u201cSaxalin-2\u201d aksiyadorlari orasida Yaponiyaning Mitsui va Mitsubishi kompaniyalari bor, ular mos ravishda 12,5 va 10 foiz ulushga ega.<\/p>\n
Iqtisodiyot vaziri Koiti Xagiuda avvalroq Yaponiya \u201cSaxalin-2\u201ddagi o\u02bbrnini boshqa davlat egallashidan cho\u02bbchib, uni tark etmasligini aytgandi<\/a>. Bloomberg ma\u02bclumotlariga ko\u02bbra, Xitoy kompaniyalari Tokio ulushiga qiziqish bildirgan.<\/p>\n
\u201cKatta yettilik\u201d kelishuvi<\/h2>\n
AQSH Oq uyi \u201cKatta yettilik\u201dning barcha davlatlari Rossiya nefti importini bosqichma-bosqich to\u02bbxtatish va Rossiya byudjeti daromadlarini qisqartirish uchun embargo joriy etishga kelishib olganini ma\u02bclum qildi<\/a>.<\/p>\n
G7 qo\u02bbshma bayonotida aytilishicha, olib chiqish jarayoni muqobil eksportchilardan maqbul narxlarda yetkazib berish kafolati bilan \u201co\u02bbz vaqtida va tartibli\u201d amalga oshiriladi. Bunga, jumladan, qazib olinadigan yoqilg\u02bbiga qaramlikni kamaytirish va toza energiyaga o\u02bbtish orqali erishish rejalashtirilgan.<\/p>\n
Shuningdek, 8 mart kuni Qo\u02bbshma Shtatlar Ukraina bo\u02bbyicha sanksiyalar doirasida Rossiyadan neft va boshqa energetika mahsulotlarini import qilishni taqiqladi. Buyuk Britaniya ham xuddi shunday qadam tashladi.<\/p>\n
May oyi boshida Yevropa Ittifoqi tomonidan Rossiyaga qarshi neft embargosi \u200b\u200bjoriy etilishi haqida Yevrokomissiya rahbari Ursula fon der Lyayen e\u02bclon qilgan edi. Uning ta\u02bckidlashicha, Yevropa davlatlari olti oy ichida xom neft yetkazib berishni to\u02bbxtatish, 2022 yil oxiriga kelib esa Rossiyadan neft mahsulotlarini sotib olishni butunlay to\u02bbxtatish niyatida.<\/p>\n
YEIning Rossiyaga qarshi sanksiyalari va AQSH<\/h2>\n